RECENSION
THE FUTURE OF POWER - Joseph S. Nye, Jr.
New York: Public Affairs, 2011, 298 faqe, ISBN 978-1-58648-891-8
Punuar nga: Bardh Lipa
Data e përfundimit: 13.04.2014
Recension: THE FUTURE OF POWER - Joseph S. Nye, Jr.
Nr. i fjalëve: 1,043
Filozofi i shquar Alain Badiou, në librin e tij " Philosohpy in the present" fillon argumentimin
duke thënë se, duhet lënë anash ideja e rreme se filozofi mund të flas për gjithçka 1 . Ai thotë se
filozof nuk është ai që pyetet çdo natë në emisione në lidhje me atë se çka po ndodh. Filozof i
vërtet është ai që vendos vetë se cilat janë problemet e rëndësishme, ai është dikush që nxjerrë në
pah probleme të reja për të gjithë, sepse në fund të fundit filozofia para së gjithash është kjo:
shpikja e problemeve të reja. 2
Dhe Joseph Nye në librin e tij "The future of Power" e bënë pikërisht këtë!
Veç kësaj, ai jo vetëm që nxjerrë në pah probleme të reja me të cilat duhet përballur në të
ardhmen, por edhe i trajton objektivisht çështjet më të kundruara nga studiuesit në vitet e fundit.
Ãështje që lidhen me konceptin "fuqi", duke e zhveshur kështu atë nga bindja klasike për fuqinë
(fuqinë ushtarake), ai vazhdon tutje duke trajtuar evoluimin e fuqisë, ku fuqia tejkalon
kapacitetet ushtarake (sulmet kibernetike, ngrohja globale, sëmundjet), trajton mangësitë,
çorientimin, dhe pasojat që mund të sjellë matja e tanishme e fuqisë, e po ashtu lëvizjet dhe
tranzicionin e fuqisë jashtë dhe brenda shtetit, duke argumentuar kështu mundësinë e
bashkëpunimit harmonik, ndërmjet shteteve ne ngritje (Kinës, Indisë, Brazilit, Rusisë ) dhe atyre
të fuqishme (SHBA-të, BE-ja, Japonia) në fushën e jashtme, duke i bërë vend kështu njeri tjetrit,
ashtu siç i bëri Britania dikur fuqisë në rritje, Amerikës, dhe njëkohësisht duke mënjanuar...